^*infer/o ^UV

^*infero

1.: En antikvaj religioj, regno de la mortintoj, ofte prezentata kiel senĝoja subtera loko: je ĉiuj dioj de la infero mi ĵuras […] [1]; Vergilio rakontas pri vizito de Eneo en la inferon; en tiuj tagoj, inter la 1a kaj 11a de Nisano, okazis granda festo: Marduko revenis el Infero kaj venkis la perfidulon Ereo [2].
Rim.: Zamenhof uzis en sia biblia traduko la universalan vorton „infero“ por traduki la hebrean Ŝeol' (ekz-e en Nombroj 6:30); sed la viktorianajn redaktistojn tio ŝokis, kaj ili anstataŭigis ĝin per sentraduka hebreaĵo (dum en la Nova Testamento ili esprimas la samon per la greka speco de infero¹, Hadeso). Rezulte la Londona Biblio tute ne uzas la vorton infero! [Sergio Pokrovskij]
2.: Loko kie regas la diablo kaj kie kondamnitaj animoj suferas eternan punon, kontraste al la ĉielo aŭ paradizo: li diris, ke la homoj estas malpiaj kaj tial Dio devas ilin puni, kaj post la morto la malbonuloj venas en la inferon, kie ili devas eterne bruli [3]; [li] venis fine al granda nigra pordego, ĝi estis la pordego de la infero [4]; (frazaĵo) iru en la inferon (ne plu incitu min) kun viaj pruvoj [5]!
3.: (figure) Loko, situacio, en kiu oni forte suferas (laŭ la senco infero²): nun iru hejmen, kaj la infero, kiun aranĝos por vi via edzino, estu via puno [6]; en tiu domo, vivo estas infero; ŝi interne estas infero de malamo [7].

1. H. Sienkewicz, trad. Lidia Zamenhof: Quo vadis?, Ĉap. 1a
2. S. Pokrovskij: Kristanaj kalendaroj, La Ondo de Esperanto, 1998:3
3. H. C. Andersen, trad. L. L. Zamenhof: Fabeloj, vol. 3, Historio
4. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Kamarado Gaja
5. Frederiko Schiller, trad. L. L. Zamenhof: La rabistoj, Akto Kvina
6. Mihail Bulgakov, trad. Sergio Pokrovskij: La majstro kaj Margarita, ĉap. 15a
7. Johán Valano: Ĉu vi kuiras ĉine?, 5

1.: Rilata al infero: la inferaj turmentoj; la inferaj pordegoj; potencoj ĉielaj kaj inferaj [8].
2.: (figure) Havanta la malbonegecon de la infero; multsuferiga: infera tumulto [9]; pro ĉi tiu malsaĝa eraro mi suferis inferajn turmentojn ^Marta; tio postulas inferan paciencon […] kaj senĉesan ekzerciĝadon [10]; vespere la stratojn ekkovras infera mallumo [11]; aliaj tute furioziĝinte pro la sceno, hurlis per ankoraŭ pli infera muĝo [12]; donaco nesincera estas donaco infera ^PrV.

8. B. Prus, trad. Kazimierz Bein: La Faraono, vol. 1, Ĉapitro XX
9. B. Prus, trad. Kazimierz Bein: La Faraono, vol. 2, Ĉapitro XVIII
10. L. L. Zamenhof: Esenco kaj Estonteco, ĉapitro 5a
11. Sándor Szathmári: Vojaĝo al Kazohinio, Sesa Ĉapitro
12. Sándor Szathmári: Vojaĝo al Kazohinio, Deksepa Ĉapitro

pri infer/o :

  Kongruigi kun Edeno, Elizeo, Paradizo, ekzemple pri
  uskleco.
  [MB]